ഉള്ളിയും, വെളുത്തുള്ളിയും നടാം കേട്ടോ

എഴുത്ത്‌ : Beena G. Nair Kakkanattu

• ഒക്ടോബർ മുതൽ ഡിസംബർ വരെ ആണ് ഉള്ളി കൃഷി ചെയ്യാൻ യോജിച്ച സമയം...

• നാല് മാസം കൊണ്ട് വിളവ് എടുക്കാം..

• കടയിൽ നിന്നും ലഭിക്കുന്ന ഉള്ളി, വെളുത്തുള്ളി എന്നിവ ഉപയോഗിച്ചും നമുക്ക് തൈകൾ ഉണ്ടാക്കിയെടുക്കാം

• ഒരു പാത്രത്തിൽ ലേശം വെള്ളം എടുത്ത് ഉള്ളിയുടെ വേര് ഭാഗം വെള്ളം നനഞ്ഞു കിടക്കുന്ന രീതിയിൽ ഒരു ദിവസം ഇടുക. (വെളുത്തുള്ളിയും അല്ലി അടർത്തി അതിന്റെ വേര് ഭാഗം മേല്പറഞ്ഞപോലെ തന്നെ വെള്ളത്തിൽ നനച്ചു ഇടുക).

• ഇങ്ങനെ വെള്ളത്തിൽ ഇട്ട ഉള്ളികൾക്ക് വേര് ഭാഗം ഒരു ദിവസം കൊണ്ട് വളരും.

• ഇങ്ങനെ തയാറാക്കിയ തൈകൾ മണ്ണും, ചകിരി ചോറും, ചാണക പൊടിയും മിക്സ്‌ ചെയ്ത് നിറച്ച ചട്ടിയിലോ, ഗ്രോ ബാഗിലോ വേര് ഭാഗം മണ്ണിൽ വരുന്ന രീതിയിൽ കുത്തി വക്കാം..

• ഉള്ളിയുടെ മുകൾ ഭാഗം മണ്ണിന് മീതെ ഉണ്ടാവണം..

• ഇങ്ങനെ നട്ട തൈകൾ രണ്ട് മൂന്ന് ദിവസം തണലിൽ വെച്ചതിനു ശേഷം പിന്നെ കൃഷിയിടത്തിലേക്കു മാറ്റാം..

• തൈകൾ ചെറുതായി നനക്കണം എന്നും..

• ആഴ്ചയിൽ ഒരിക്കൽ സ്ലറി നേർപ്പിച്ചു വളം ആയി കൊടുക്കാം.

• ഒരു ബാഗിൽ അഞ്ചോ അറോ ഉള്ളി കുത്തിവക്കാം.

• ഇതിന്റെ തണ്ട് തോരൻ ആക്കാം, സാമ്പാറിൽ ചേർക്കാം.

• നാല് മാസം കൊണ്ട് വിളവും എടുക്കാം