ജനിച്ച ഉടനെയുള്ള ആട്ടിൻകുട്ടിയുടെ പരിചരണം

ആട്ടിൻകുട്ടി ജനിച്ചയുടനെ അതിന്റെ ശ്വാസനാളം വൃത്തിയാക്കുക. പൊക്കിൾക്കൊടി 7% അയഡിൻ ലായനിയിൽ /  ബെറ്റാഡിൻ / VET.O. MAX  എന്നിവയിൽ ഏതേങ്കിലും ഉപയോഗിച്ച് വൃത്തിയാക്കുക. ആദ്യത്തെ ഏതാനും മണിക്കൂറിനുള്ളിൽത്തന്നെ ആട്ടിൻകുട്ടികൾ  അമ്മയുടെ കന്നിപ്പാൽ കുടിക്കുന്നു എന്ന് ഉറപ്പാക്കുക. ഇത് കുട്ടിയുടെ പ്രതിരോധശേഷിക്ക് വളരെ പ്രധാനമാണ്. കുട്ടിയെ തണുപ്പടിക്കാത്ത രീതിയിൽ നല്ല വൃത്തിയുള്ള സ്ഥലത്ത് സൂക്ഷിക്കുക.

കൂടുതലായി ശ്രദ്ധിക്കേണ്ട കാര്യങ്ങൾ:

    ശ്വാസതടസ്സം ഒഴിവാക്കുക: ജനനശേഷം ഉടൻതന്നെ കുട്ടിയുടെ മൂക്കിലും വായിലുമുള്ള കഫം മൃദുവായി ഒരു കോട്ടൺ തുണിയുടെ സഹായത്തോടെ തുടച്ചുമാറ്റുക.

    പൊക്കിൾക്കൊടി പരിചരണം: പൊക്കിൾക്കൊടി അണുബാധ ഏൽക്കാതിരിക്കാൻ ദിവസത്തിൽ രണ്ടോ മൂന്നോ തവണ അയഡിൻ ലായനിയിൽ /  ബെറ്റാഡിൻ / VET.O. MAX  എന്നിവയിൽ ഏതേങ്കിലും ഉപയോഗിച്ച് വൃത്തിയാക്കുക.

    കന്നിപ്പാൽ നൽകൽ: ജനനശേഷം ഒന്നു രണ്ട് മണിക്കൂറിനുള്ളിൽ കുട്ടി  കന്നിപ്പാൽ കുടിച്ചിരിക്കണം. കുട്ടിക്ക് തനിയെ കുടിക്കാൻ ബുദ്ധിമുട്ടുണ്ടെങ്കിൽ, ശ്രദ്ധയോടെ അവ കറന്നെടുത്തു ബോട്ടിലിലൂടെ  കുടിക്കാൻ സഹായിക്കുക.

    ചൂടും ഉണങ്ങിയതുമായ സ്ഥലം: തണുപ്പുള്ള കാലാവസ്ഥയാണെങ്കിൽ, ഹീറ്റ് ലാമ്പ് ഉപയോഗിക്കുകയോ അല്ലെങ്കിൽ അമ്മയോടൊപ്പം ഉണങ്ങിയതും വൃത്തിയുള്ളതുമായ ഒരു ചണ ചാക്കിൽ കുട്ടിയെ കിടത്തുകയോ ചെയ്യുക.

    നിരീക്ഷണം: കുട്ടിക്ക് തളർച്ചയോ മറ്റ് ബുദ്ധിമുട്ടുകളോ ഉണ്ടോ എന്ന് ശ്രദ്ധിക്കുക. കുട്ടി പാല് കുടിക്കുന്നുണ്ടെന്നും ആരോഗ്യത്തോടെ ഇരിക്കുന്നുണ്ടെന്നും ഉറപ്പാക്കുക.

ഈ കാര്യങ്ങൾ ശ്രദ്ധിച്ചാൽ, നിങ്ങളുടെ നവജാത ആട്ടിൻകുട്ടിയെ ആദ്യ ദിവസം നന്നായി പരിചരിക്കാൻ സാധിക്കും. ഇങ്ങനെയുള്ള ആദ്യ ദിവസത്തെ പരിചരണമാണ് പിന്നീടുള്ള ആട്ടിന്കുട്ടികളുടെ വളർച്ചയെ നന്നായി സഹായിക്കുന്നത് .

കൂടുതൽ അറിയാൻ ഈ വിഡിയോ കാണുക